World Cup Oraclesஉலகக்கோப்பை முடிவு கணிப்பாளர்கள்

Translated into Tamil (Original version)


Do you remember Paul, the Octopus? என்ன, பால் என்ற சிலந்தி மீனை (ஆக்டோபஸ்) ஞாபகமிருக்கிறதா? ஜெர்மனியின் போட்டிகளின் வெற்றியாளரை ஊகிக்க முடிந்ததால், அது 2010 உலகக்கோப்பையின் நட்சத்திரமாய்த் திகழ்ந்தது. இறுதிப் போட்டியின் வெற்றியாளரையும் ஊகித்தது அது தான். மொத்தம் 13 போட்டிகளில் 11 போட்டிகளின் முடிவை முன்கூட்டியே உணர்த்தியதால், அது  தனது பணியை யூரோ 2008 ன் போதே ஆரம்பித்து விட்டது. ஒவ்வொரு போட்டியிலும் பங்கெடுக்கும் இரு நாடுகளின் தேசியக்கொடிகள் தனித்தனியாகப் பொறிக்கப்பட்ட உணவுப்பெட்டிகளில் ஒன்றைத் தேர்ந்தெடுப்பதை வழக்கமாகக் கொண்டதன் மூலம் அது தனது விருப்பத்தைக் குறிப்பிட்டது.  . துரதிருஷ்டவசமாக அது 2010 ஆம் ஆண்டின் இறுதியில் இறந்து விட்டது.

பால் மட்டுமல்ல. ஹேரி என்ற முதலையும் 2010 உலகக் கோப்பை வெற்றியாளரை ஊகித்தது. மேலும், இரண்டு ஆஸ்திரேலிய தேசிய தேர்தல் முடிவுகளையும் அதனால் தொடர்ந்து முன் கூட்டியே குறிப்பிட முடிந்தது. இருப்பினும், ஒருபோதும் அது ஜெர்மானிய சிலந்தி மீனைப் போலக் கவர முடியவில்லை 2010 உலகக் கோப்பை காலிறுதி மற்றும் அரையிறுதி வெற்றியாளர்களைச் சரியாக ஊகித்த சிங்கப்பூரின் மணி என்ற கிளியும் கூட, ஸ்பெயின் - நெதர்லாந்து மத்தியில் நடந்த இறுதிப் போட்டியின் வெற்றியாளரை உகிக்கத் தவறியதால் சோபிக்க முடிய வில்லை. .

பாலின் அகால மரணத்திற்குப்பின், அதன் கிரீடம் யாருக்கென்ற பெரும் போட்டி ஏற்பட்டுள்ளது. யூரோ 2012 போது, இந்த விளையாட்டில் மூன்று விலங்குகள் பங்கு கொண்டன.   போலந்தின்  கிரகுஃப்  மிருகக்காட்சிசாலையில் வாழும் சித்தா என்றழைக்கப்படும் இந்திய யானை. ட்விட்டரில் காண இயலும், மர நாய் வகையைச் சேர்ந்த, உக்ரேனிய ஃப்ரெட். மற்றும் வருமுன் உரைக்கும் ஃபன்டிக் என்ற உக்ரேனிய ஆண் காட்டுப் பன்றியால் கூட மூன்றில் இரண்டு போட்டிகளின் முடிவுகளை சரியாகக் கணிக்க முடிந்தது.

இம்மூன்றில் அடுத்த உலகக் கோப்பை  போட்டிகளில்  சிலந்தி மீன் பாலின் இடத்தைப் பிடிக்க போவது  யார்? அது,  புனித பீட்டர் சதுக்கத்தில் போப்பாண்டவர் ஃப்ரான்ஸிஸால் ஆசீர்வதிக்கப்பட்ட, இத்தாலிய தேசியப் பொது ஒலிபரப்பின் தற்போதைய நட்சத்திரக் கிளியா? அல்லது அது இன்று வரை 33 போட்டிகளில் 30 முடிவுகளைச்  சரியாகக் கணித்த   நெல்லி என்ற ஜெர்மானிய யானையா? இது தவிற, சீன அரசு ஊடக ஆதரவு பெற்ற பண்டா கரடிக்குட்டியின் அதிசய ஆற்றலையும் குறைத்து மதிப்பிட வேண்டாம்.

இத்தாலிய மொழியில் காதல் எனப் பொருள் படும் அமோர் என்ற பெயருள்ள இத்தாலியக் கிளி ஒரு பொம்மை கால்பந்து மைதானத்தில்உள்ள பல கொடிகளில் வெற்றி பெறும் குழுவின் கொடியைத் தேர்ந்தெடுப்பதன் மூலம்  தனது கணிப்பைத் தெரிவிக்கும். போட்டியிடும் நாடுகளின் கொடிகள் கொண்ட வலைகள் ஒன்றுக்குள்  பந்தை உதைத்து தள்ளுவதன் மூலம் நெல்லி வெற்றியாளரைக் கணிக்க விரும்புகிறது. பதிலுக்கு,  சீனப்பண்டா கரடிக்குட்டி, குழுக்களின் தொடக்கப் போட்டிகளில், அவற்றின் தேசியக் கொடிகள் அச்சடிக்கப்பட்ட பெட்டிகளின் உணவைத் தேர்ந்தெடுப் பதன் மூலமும், பின்னர் தொடரும் நாக்அவுட் போட்டி களில் அவற்றின் கொடிகள் பறக்க விடப்பட்ட மரத்தில் ஒன்றில்ஏறுவதன் மூலமும் ஊகிக்கும்.

என்ன உங்களிடமும்  ஒரு செல்லப்பிராணி இருக்கிறதா?
அது மேலே குறிப்பிட்டவைகளை விடச்சிறப்பாகக் கணிக்குமா? எப்படி?
அதற்கும் அவர்கள் ஒரு சந்தர்பம் கொடுக்கட்டும்!

by Srinivasan

309 Votes
#41 of #1440 in the World
#1 of #3 for Tamil



Go to the ranking page for Tamil

Can you translate better?

Join the challenge